Plantun de Prouvènço

Pèr coumpara dos planto d'encò nostre

Arum cylindraceum & Knautia arvensis

Sangueiroun(-en-cilindre)

Arum cylindraceum

Araceae

Àutri noum : Figueiroun, Rasin-de-serp, Caulet-de-serp, Erbo-dragouno, Erbo-di-porc.

Noms en français : Arum des Alpes, Gouet des Alpes.

Descripcioun :
Aquest sanguieroun, rare au nostre, trachis dins li blachiero e li faio. Se destrìo de Arum italicum bèn mai coumun, que soun espadice èi prim e vióulet (jaune encò de A. italicum) e de Arum maculatum que li fueio soun pas jamai tacado e gaire sagitado, e emé uno espato mai estrecho e mens duberto. Apoundèn que la cambo de flour èi eici tant longo que li pecou di fueio.

Usanço :
Dèu agué, cresèn, li mémi prouprieta que lou sanguieroun coumun.

Port : Erbo
Taio : 15 à 30 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Arum
Famiho : Araceae

Ordre : Alismatales

Coulour de la flour :
Petalo : ges
Ø (o loungour) flour : 4 à 5 cm
Flourido : Printèms

Sòu : Ca
Autour basso e auto : 0 à 1400 m
Aparado : Noun
Abriéu à mai

Liò : Blachiero - Faio - Baus
Estànci : Mesoumediterran à Subremediterran
Couroulougi : Éuropenco
Ref. sc. : Arum cylindraceum Gasp., 1814

Flour-de-la-véuso

Knautia arvensis

Caprifoliaceae Dipsacaceae

Àutri noum : Escabiouso, Camiho.

Noms en français : Knautie des champs, Scabieuse des champs.

Descripcioun :
La flour-de-la-véuso es uno planto pelouso pulèu forto e ramificado que fai de mato dins li champ à la primo. Li fueio de la cambo soun proun penado alor qu'aquéli d'en bas soun en generau entiero. Se destrìo de Knautia integrifolia qu'à de dènt sus lou calice ; de vèire sus lou fru (fotò). Coumpara emé la camiho(-di-flour-entiero) que ié sèmblo. Vous enganas pas peréu emé lis escabiouso.

Usanço :
Se pòu manja li jóuini fueio (e flour) emai siegon amaro (soupo, ensalado...). Li fueio sougnon li plago, e en tisano soun bono contro lou mau de garganto.

Port : Grando erbo
Taio : 20 à 120 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Knautia
Famiho : Caprifoliaceae
Famiho classico : Dipsacaceae

Ordre : Dipsacales

Coulour de la flour : Vióuleto
Petalo : 4
Ø (o loungour) enflourejado : 3 à 4 cm
Flourido : Printèms - Estiéu

Sòu : Ca
Autour basso e auto : 0 à 1900 m
Aparado : Noun
Jun à avoust

Liò : Champ - Prado umido - Camin - Fourèst
Estànci : Termoumediterran à Mountagnard
Couroulougi : Éurasiatico
Ref. sc. : Knautia arvensis (L.) Coult., 1828

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Arum cylindraceum & Knautia arvensis

ges

Coumpara Sangueiroun(-en-cilindre) emé uno autro planto

Coumpara Flour-de-la-véuso emé uno autro planto